林敏骢终于再战“奖门人”，“失控”到曾志伟都惊，“执二摊”担正做男主，日日俾女围

　　《奖门人》开波之后

　　叫林敏骢上节目嘅呼声好高

　　事关呢位鬼才

　　真係喺“奖门人”嘅历史上

　　留低太多欢声笑语

　　以及经典名场面了

　　　　▓▓▓▓▓▓▓▓▓▓▓????努力忍笑中……

　　“唱衰你”暴改《旧欢如梦》

　　将甜甜嘅小情歌

　　唱成咗“调侃”渣男

　　去滚嘅“口水歌”

　　连原唱李克勤听到

　　都忍唔住摇头认可

　　　　“马拉松”为咗击垮对手

　　急智讲出“苏格兰场

　　非工业用国际线路

　　自动融雪16VALUE

　　风油軚垂直升降大包围连镭射

　　彩色洗衣干衣腐蚀性气垫毛笔”

　　关键仲要一气呵成

　　听到现场嘉宾+观众都眼擎擎

　　　　呢段“名台词”

　　甚至“传颂”至今

　　唔少后生仔女将佢背熟

　　一有机会就show出嚟致敬林老师

　　　　“爆555电影网波波”环节，

　　讲出“想睇嘅电影名”

　　《向世界恤发》

　　《盲侠骑劫隐形战机》

　　《怪侠一撮毛》等等片名

　　真係笑到大家

　　忽略咗个波仲充紧气

　　随时都可能会炸

　　　　曾志伟亦为此首破例

　　爆波之后都俾机会佢讲埋啲内容

　　最近有剧透

　　“无厘头之神”林敏骢

　　终于上奖门人啦

　　　　探班路透只见佢上场冇耐

　　就俾曾志伟用喇叭狂喷

　　又俾人话成日走嚟走去

　　　　林老师徘徊喺“失控”嘅边缘

　　不断挑战“奖门人”本人嘅底线

　　连摄影老师都怕咗佢

　　见佢行近就即刻移开镜头

　　避免伤及无辜

　　　　奖门人亦都“专登”搞到佢犯规

　　等佢游戏冇咁易过关

　　现场笑声不断令人好期待

　　　　林敏骢今次係同江美仪等人一起

　　代表《下流上车族》剧组上阵嘅

　　呢部新剧就定档10月

　　　　开拍前其实就定咗

　　由姜皓文做男主角嘅

　　甚至有人预测

　　佢会凭呢部剧

　　冲击“视帝”宝座圆梦添

　　　　但点知开拍仅仅一日

　　姜皓文就因为电影档期“撞车”

　　而辞演《下流上车族》

　　　　情急之下

　　曾志伟先力邀林敏骢

　　顶上“男一”位置

　　　　林老师入行多年

　　资历够深但竟然係第一次演电视剧

　　“初哥上线”嘅佢却表现得游刃有余

　　反而係同佢搭档嘅老戏骨们倍感压力

　　因为林老师现场实在太搞笑

　　忍唔住成日NG

　　　　《下流上车族》

　　讲嘅係好现实嘅社会问题

　　为咗买楼上车

　　主角不息“出卖”自己嘅感情

　　之后係会同人“戏假情真”

　　定係“日久生情”

　　可能要睇到正片先知

　　　　首次投身电视剧嘅林敏骢就表示

　　拍呢部戏嘅最大得着

　　就係成日“俾女围”

　　成日有一大班靓女簇拥

　　甜美青春、知性成熟都有齐

　　唔知大家有期唔期待呢部电视剧咧

　　　　糖妹&林晓峰一起上央视

　　糖妹同林晓峰

　　一起上央视文艺节目

　　《回声嘹亮》 之 《了不起的歌》

　　两人合唱《世间始终你好》

　　唱出豪迈的江湖侠情

　　　　《痞子殿下》会有续集

　　电视剧开播以来收视越来越好

　　今日落实会拍续集

　　据闻会保留原有主演及幕后阵容

　　剧情就会以民初为背景

　　　　“农业”养成综艺要嚟？

　　爱奇艺放出综艺片单中

　　《种地吧少年》引起不少关注

　　这是一档偶像男团

　　乡村农业养成类真人秀

　　会请啲少年用180天的时间

　　在荒芜的土地上种出大米

　　要拍“比设计更有趣”的生活